عملة فيس بوك الرقمية الجديدة ليبرا Libra

مارك زوكيربيرج أعلن من شوية عن عملة فيس بوك الرقمية الجديدة "ليبرا Libra"

مارك بيقول باختصار انه عاوز يحول التعامل بالفلوس اونلاين لشئ سهل في متناول الجميع، يعني زي مابتبعت لحد على الماسنجر ويبعتلك والرسائل بتوصل في نفس اللحظة، عاوز يطبق نفس الموضوع على الفلوس..

دلوقتي ارسال واستقبال الفلوس من والى اي حد حول العالم مش بالسهولة دي لأن كله معتمد اما على الكاش او الحسابات البنكية، لكن هيتغير كل ده بعملة Libra الجديدة، واللي هتخلي اي حد معاه سمارت فون وانترنت يبعت ويستقبل فلوس زي ماهو عاوز متمثلة في عملة ليبرا الرقمية.


مارك قال برضو ان هيكون في تطبيقات وخدمات كتير جدا جاية بتعتمد على ليبرا في ارسال واستقبال الفلوس، وبدأها هو بخدمة اسمها Calibra هتكون متاحة على فيس بوك وماسنجر وواتس اب السنة الجاية واللي هتقدر تستقبل وتبعت وتحفظ فيها فلوس زي مانت عاوز .. حاجة زي محفظة ذكية Smart Wallet كده.

من الآخر فيس بوك عمل Global Currency أو عملة عالمية اللي هي "ليبرا" وعاوز يخليها العملة الرسمية للعالم كله اونلاين.

زي مافي كده اليورو بتتعامل بيه في كل دول اوروبا، عاوز يكون في ليبرا تتعامل بيها في كل دول العالم اونلاين..
تفتكروا مارك هينجح خلال الكام سنة الجايين يغير شكل العالم اونلاين زي ماهو عاوز كده وليبرا تكون فعلا العملة العالمية اللي بيتم استخدامها وتداولها؟

وياترى قيمتها هتكون عاملة ازاي، وهتطلع وهتنزل بناء على ايه؟
google-playkhamsatmostaqltradent