recent
أخبار ساخنة

ازاي ال Torrent شغال؟



ازاي ال Torrent شغال؟

البرنامج الي نقذ تقريبا ملايين من المصريين من مشكلة 99% دانلود ويقف وتضطر تعيد من تاني ونقذ من حكاية سرفير ضعيف وسرفير قوي والسرفيرات المدفوعة وغيره
بس للأسف التورنت معروف بسوء السمعة للاستخدمة بطريقة سيئة لانتهاك حقوق ملكية العاب او افلام او غيره طب ليه

دوقتي في لعبة تيم عملها كراك طيب التيم دا عاوز ينشر اللعبة بالكراك لو عملها في سرفير زي MediaFire او غيره طبيعي جدا ممكن الحكومة تحذف اللينك تطلب من Media fire تحذف اللينك طيب ليه بقي التورنت اقوي من انو يتحذف منو لينكات؟
انت دوقت وانت مثلا داخل علي page صفحة مثلا زي الفيس بوك انت بتتصل بالسرفير الاساسي للموقع وتretrieve الداتا تستلم الداتا بتاعت الموقع الي هي مثلا html css وغيره علشان المتصفح بتاعك ياخدها وبعدين يظهرلك الصفحة

طيب التورنت اي بقي المختلف فيه عن كدة التورنت

تورنت بيستخدم حاجة اسمها peer-to-peer protocol
ببساطة شديدة انت مش بتتصل بسرفير انت بتتصل بعدة اجهزة وتretrieve الداتا من عدة اجهزة فا مثلا لو الحكومة عايزة توقف لينك التحميل مش هتعرف توقفو الا لما توقف كل الاجهزة الي عندها لينك التحميل دا شغال لان كل الاجهزة بقت عبارة عن Servers لبعض

طيب نتعمق شوية ازاي انت بتجيب ال Ip او الادريس بتاع الاجهزة دي علشان تكونتاكت معاها؟

في كل ملف torrent في حاجة اسمها tracker التراكر دا بيعمل اي دا عبارة عن special server كل جهاز بيبدء يحمل الملف بيديو الIp وال tracker يدي للجهاز الIp's بتاعت الاجهزة الي بتحمل نفس الملف و ال tracker بعد ما ياخد ال ip بتاعك يديه لباقي الاجهزة الي شغالة علي نفس الملف وهكذا

ليه التورنت سريع؟

 ببساطة انت بدل ما كنت بتستخدم سرفير واحد تحمل منو حاجة وفي ملايين بيستخدمو نفس السرفير , السرفير بيبقي عليه ضغط انو يعمل upload لكل الناس دي
فا التورنت اسرع علشان كل الاجهزة بقت servers يعني لو خمس الف شخص بيحملو فيلم هيكون نفس الخمس الف شخص سرفير لكل شخص فيهم وبيعملو ابلود بشكل خفيف لانهم كتار جدا مش محتاجين ابلود عالي علي كل جهاز
الناس الي بتحمل الملف التورنت بيشار ليهم بleechers او peers
اما الناس الي خلصو تحميل الملف بس لسا بيعملو ابلود لباقي الاجهزة بيشار ليهم
بseeders
طب في سؤال حلو ليه الحكومة متوقفش ال trackers الي هي السرفير الي بيحفظ ال ip وبيبعتها للباقي , تورنت قال اي يعني هنخلي كل الاجهزة Trackers واستخدمو
DHT - distributed hash table
انت دوقت بقيت بتستلم الIp بتاع الاجهزة بس بتستلمها بشكل مشفر بتفكها بعدين انت با دا BitTorrent infohash
اي دا بقي دا SHA1 Hash نوع من انواع التشفير بيكون متخزن فيه الحجات دي
ITEM: length(size) and path (path with filename)
Name: The name to search for
Piece length: The length(size) of a single piece
Pieces: SHA1 Hash of EVERY piece of this torrent
Private: flag for restricted access
والتورنت بياخد التشفير الي جالك يفكو هوا ويديك ال address كا seeders بتاعك علشان تستلم منو وتحمل
و تورنت كاتب مقال عن ال DHT قايل فيه جملة حلوة
“In effect, each peer becomes a tracker.”
كل نظير بقي تراكر , بمعني كل جهاز بقي تراكر بينقل IP وبيخزن للباقي وبيشفر ويبعت وهكذا

هل فعلا bittorrent للقرصنة بس ؟

 هل التكنولوجيا دي مستخدمة للقرصنة بس طبعا لا لان في شركة العاب Blizzard الي عاملة لعبة OverWatch بتستخدم BitTorrent علشان تسرع عملية الابديت بتاعت اللالعاب للاعبيين لاني زي ما قولت بدل سرفير واحد بقي كل الاجهزة سرفيرات فا التحميل هيزيد سرعة وطبعا بتوفر الشركة تمن السرفير وال bandwidth الي بتستهلكها في الابلود لكل اللاعبين
بس طبعا لا يزال التورنت الاختيار الامثل لمنتهكين الملكية زي بتوع الالعاب المتكركة وغيره , انا طبعا مش بقول الحجات دي غلط ولا صح انا بشرح مش اكتر
اتمني يكون المقال مفيد ومع سلامة❤️
google-playkhamsatmostaqltradent