-->
U3F1ZWV6ZTI1ODQ5OTQxNTYyX0FjdGl2YXRpb24yOTI4NDQxNzM4ODc=
random
أخبار ساخنة

لينكد ان و البحث عن وظيفة - linkedin

linkedin - لينكد ان و البحث عن وظيفة

مع زيادة صعوبة البحث عن وظيفة مناسبة .... و مع ارتفاع عدد الناس الي بيطلوبوا الوظيفة كان لازم يبقا ف وسيلة تواصل مناسبة بين الطرفين
و من عنوان المقال اكيد عرفت ان وسيلة التواصل هي موقع و تطبيق ليكند ان .... طيب ايه هو مووقع ليكند ان ؟؟ و تجيب منه وظيفة ازاي ؟؟ .... فده الي هنتكلم عليه ف الفديو ده
بغض النظر عن ان موقع لينكد ان linked in انشي عام 2003 و انه عبارة عن مزيج من بين الفيسبوك و جوجل بلس الله يرحمه و ان دي كلها معلومات متهمناش اد ما يهمنا هنجيب منه وظيفة ازاي ؟؟!
لينكد إن للشركات
موقع لينكيد ان بيعمل علي مستوي الفرد كسيرة ذاتيه عشان اصحاب الشركات اللي عندهم وظايف فاضية يقدروا يبحثوا بكل سهولة عن انسب شخص للوظيفة
يبقي الباحث عن العمل لاقي مكان يعرض فيه السي في بتاعه و كل خبراته
و ارباب العمل وفر لهم مكان فيه اشخاص كتير مناسبة للوظيفة الي عندهم

طريقة التسجيل في لينكد ان

نيجي بقا طريقة التسجيل في لينكد ان .... زيه زي اي موقع بس الفكرة هنا انه اكثر مهنية شوية يعني مينفعش تحط صورتك و انت بتصيف ف بلطيم لاء حط صورة فورمال .... لو معندكش بدلة اضرب لك صورة ع الفوتوشوب
و تخلي بالك بلاش اخطاء املائية الله يخليك ركز عشان ربك يرزق
طيب بعد ما سجلنا فيه و ظبطنا المعلومات و عملنا سي في محترم نيجي بقا لل news feed زيه زي الفيسبوك بالظبط او توتير ... بس هنا مفيش مميز ولا كوميكس بلاش بالله عليك تنشر حاجات ملهاش لازمة
المجموعات او الجروبات الي عليه بتكون خاصة بشركه معينة بحيث يتناقشوا ف البيزنس بتاعهم و او ممكن تكون بين موظيفين من شركات مختلفة بس فنفس المجال
نيجي لحاجه مهمة جدا المعارف بتاعتك
من خلال LinkedIn هتقدر تكون علاقات و تعمل روابط مباشرة عن طريق اضافة ناس ف مجال اختصاصك و بعدين تعمل علاقات مع الناس دول بعدين تعمل علاقات مع معارف معارفك جمعية وداير و مبتقفش و هكذا
فتقدر تاخد توصيات اونلايون لقدراتك المهنية و الشخصية من معارفك
و ي سلام لو حد ف علاقات بتاعتك يعرف حد ف الشركة الي بتعلن ع الوظيفة ساعتها تفكر السالري هيبدا من كمان
طيب تيجب توصيات ازاي
مثلا انت شغال ف وظيفة معينة و ربنا كرمك بوظيفة احسن منها يبقي توصية جميلة كده من مديرك ف الوظيفة القديمة مع كام كلمتين احمد موسي عشان الوظيفة الجديدة متفلتش منك
مثلا بتبيع منتج معين او بتقدم اي خدمة اونلايون المثل بيقولك اسال مجرب ولا تسال دكتور يبقي تاخد توصيه من العملاء بتوعك انا لو عاوز خدمة انت بتقدمها و عندي شك بنسبه 40 ف المية انها مش كويسة ولقيت العملاء عاملين توصية كويسة بخدماتك اكيد الشك هيروح
طيب لو انت بتدرس لسا و مش بتدور ع وظيفة تسيب الفديو و تقول انا مش هستفاد حاجة لا طبعا .... موقع ليكند ان بيقدمك لك كنز حرفيا

linkedin learning


1- عندك تلات طرق تقدر تتعلم بيهم
من الجروبات هتلاقي معلومات مش هتلاقيها ع جوجل بجلالة قدره مثلا عاوز تتعلم عن ال supply chain علم جديد و صعب تلاقيله ماتريال بمنتهي السهولة هتلاقي له علي ليكند ان

2 - هي انك تدخل علي الـ Pulses ودي بيبقي فيها افضل ناس بيكتبوا في لينكدان في جميع المجالات

3 - الجامعات وهنا ركزوا شوية خصوصا الناس اللي عاوزة تسافر منح او تعرف مناهج الدراسة برة في جامعات العالم ادخلوا علي اللينك دا
https://www.linkedin.com/edu/



الاسمبريد إلكترونيرسالة

  • adblock تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️